မက်ဆီထက် စီရော်နယ်ဒိုကို ကျွန်တော်က ပိုခေါ်စေချင်ခဲ့တာ၊ စီရော်နယ်ဒို သာ ရောက်လာခဲ့ရင် ချန်ပီယံလိဂ် ရလောက်တယ်လို့ ပြောလိုက်တဲ့ ပိုချက်တီနို

ချယ်လ်ဆီးနည်းပြ ပိုချက်တီနိုက ပီအက်စ်ဂျီနည်းပြအဖြစ် သူ တာဝန်ထမ်းဆောင်ခွင့် ရခဲ့စဉ်အခိုက်မှာ အသင်းအတွက် ခေါ်ယူစေချင်ခဲ့တဲ့ကစားသမားက စီရော်နယ်ဒိုသာဖြစ်တယ်လို့ ထုတ်ဖော်အသိပေးလိုက်ပါတယ်။

တကယ်လို့ မက်ဆီထက် စီရော်နယ်ဒိုသာ အသင်းကိုရောက်လာခဲ့ရင် ပိုပြီးကောင်းမွန်သွားနိုင်လောက်တဲ့အပြင် ချန်ပီယံလိဂ် ချန်ပီယံဖြစ်ဖို့အခွင့်အလမ်းကလည်း ပိုကောင်းနိုင်တယ်လို့ ယုံကြည်မိကြောင်း ပိုချက်တီနိုက ပြောပြသွားခဲ့ပါတယ်။

လူတွေက စီရော်နယ်ဒိုကို အတ္တစိတ်ကြီးလွန်းတဲ့သူ၊ နည်းပြကို အခက်တွေ့စေသူလို့ ပြောနေတာတွေကိုလည်း သူ့အနေနဲ့ လက်မခံဘဲ စီရော်နယ်ဒိုဟာ ပရော်ဖက်ရှင်နယ်ပီသလွန်းသူလို့သာ သူ့ဘက်က ထင်မြင်မိကြောင်း ပိုချက်တီနိုက မှတ်ချက်ပေးသွားခဲ့ပါတယ်။

စီရော်နယ်ဒိုဟာ ထိပ်တန်းပရော်ဖက်ရှင်နယ်အဆင့်ဖြစ်ပြီး နည်းပြအပေါ် လေးစားမှုအပြည့်အဝရှိတဲ့သူဖြစ်တဲ့အတွက် စီရော်နယ်ဒိုကို အတ္တစိတ်ကြီးလွန်းတဲ့သူ၊ နည်းပြကို အခက်တွေ့စေသူလို့ လူတွေက ထင်မြင်တာတွေကို သူကတော့ အမှားလို့ပဲ မြင်မိကြောင်း ပိုချက်တီနိုက အသိပေးသွားခဲ့ပါတယ်။