ဘဝအဆိုးတွေ ကြုံဆုံနေရချိန်မှာ ဇနီးကပါ အိမ်ကဆင်းသွားလို့ သောကပွေနေရသူ ကိုအောင်သန်းထွန်း

ဘေးတွဲမောင်းနေချိန် ဂါလီက ဝင်တိုက်၊ ဂါလီ ဝင်တိုက်လို့ ခြေထောက်ကကျိုး၊ ဝင်ငွေမရတော့လို့ ဇနီးက ကလေးတွေခေါ်ပြီး အိမ်က ဆင်းသွား၊ သောကပွေနေ့စွဲတွေထဲဖြတ်သန်းနေရသူ ကိုအောင်သန်းထွန်း
—————————–
ကိုအောင်သန်းထွန်း ဟာ ဘေးတွဲမောင်းနှင်ပြီး မိသားစုကို ရှာဖွေကျွေးမွေးနေသူပါ။ ဘေးတွဲမောင်းနေချိန်မှာ သူ့ကို ဂါလီတစ်စီးက ဝင်တိုက်ခဲ့ပြီး မောင်းနှင်ထွက်ပြေးသွားတာကြောင့် ကိုအောင်သန်းထွန်းက ခြေထောက်ကျိုးသွားခဲ့ရပါတယ်။ ကံဆိုးမိုးမှောင်ဟာ အဖော်အပေါင်းနဲ့လာတယ်လို့ ဆိုရမလားပါပဲ။ ခြေထောက်ကျိုးသွားလို့ ဝင်ငွေမရှိတော့တဲ့အချိန်မှာ ကိုအောင်သန်းထွန်းရဲ့ဇနီးက ကိုအောင်သန်းထွန်းကို စွန့်ခွာပြီး နေအိမ်ကနေ ဆင်းသွားခဲ့ပါတော့တယ်။ ရင်သွေးလေးတွေကိုလည်း အိမ်ကဆင်းသွားတဲ့ဇနီးက သူနဲ့အတူ ခေါ်ယူသွားခဲ့တယ်လို့ ကိုအောင်သန်းထွန်းက ရင်ဖွင့်ပါတယ်။ လက်ရှိမှာ ဇနီးသည်လည်း မရှိတော့သလို ခြေထောက်ကျိုးနေတဲ့အတွက် ဝင်ငွေရှာမရတာကြောင့် ကိုအောင်သန်းထွန်းအတွက် ဆေးကုသဖို့နဲ့ စားဝတ်နေရေး၊ နေထိုင်ရပ်တည်ရေးက အခက်အခဲတွေရှိနေပါပြီ။ အခုလို ဖြစ်ရပ်ဆိုးတွေနဲ့ ဆက်တိုက်ကြုံရလို့ သူလည်း ဝမ်းနည်းတဲ့အကြောင်း ကိုအောင်သန်းထွန်းက ပြောပြပါတယ်။ ဇနီးသည်ကို ခွင့်လွှတ်နားလည်ပေးထားဆဲဖြစ်ပြီး စိတ်ရှိရင် ပြန်လာ၊ စိတ်မရှိတော့ရင်လည်း ကျွန်တော်က မင်းတို့မိသားစုတွေ ကျန်းမာလို့ ချမ်းသာပါစေလို့ ဆုတောင်းပေးနေဖို့သာ ရှိတော့တယ်လို့ ကိုအောင်သန်းထွန်းက သူ့ခံစားချက်ကို အသိပေးပါတယ်။ ဘေးတွဲမောင်းနေချိန် ဂါလီက ဝင်တိုက်၊ ဂါလီ ဝင်တိုက်လို့ ခြေထောက်ကကျိုး၊ ဝင်ငွေမရတော့လို့ ဇနီးက ကလေးတွေခေါ်ပြီး အိမ်က ဆင်းသွား၊ သောကပွေနေ့စွဲတွေထဲဖြတ်သန်းနေရသူ ကိုအောင်သန်းထွန်းရဲ့လက်ရှိရင်ဆိုင်နေရတဲ့ဘဝဖြစ်စဉ်တွေကို Mercury Variety ပရိသတ်တွေ သိရှိနိုင်စေဖို့အတွက် တင်ဆက်ဖော်ပြပေးလိုက်ပါတယ်။ #MercuryVariety #MV #MercuryLifeStory #LifeStory #MercuryExclusiveInterview #ExclusiveInterview #အောင်သန်းထွန်း #AungThanHtun #ဘေးတွဲမောင်း #ဂါလီ #အခက်အခဲ #ဘဝရပ်တည်မှု #မိသားစု #ကျန်းမာရေး #Yangon #Myanmar