ဘလွန်းဒီအောဆု အတွက် နောက်ဆုံးဆန်ကာတင်အယောက်၃၀ စာရင်းကိုထုတ်ပြန်

၂၀၂၄၊စက်တင်ဘာလ၊၅ရက်

ဘောလုံးလောကရဲ့ နာမည်ကြီး ဆုတစ်ခုဖြစ်တဲ့ ဘလွန်းဒီအော ဆုအတွက် နောက်ဆုံးဆန်ကာတင် ကစားသမား အယောက်၃၀စာရင်းကို စက်တင်ဘာ၄ရက်နေ့မှာ ထုတ်ပြန်ကြေညာလိုက်ပါတယ်။

ဘလွန်းဒီအောဆုရဖို့အတွက် ဘယ်လင်ဂမ်၊ဗင်နီဆီးရက်ဂျူနီယာ၊ရိုဒရီတို့က ထိပ်ဆုံးကရေပန်းစားနေပြီး ပြီးခဲ့တဲ့ဘောလုံးရာသီမှာ စွမ်းဆောင်ရည်ကောင်းပြခဲ့တဲ့ ကစားသမားအများစုက ဆန်ကာတင်စာရင်းမှာပါဝင်လာကြပါတယ်။

၂၀၂၄ခုနှစ်၊ဘလွန်းဒီအောဆုရဲ့ဆန်ကာတင်စာရင်းဟာ ၂၀၀၃ခုနှစ်နောက်ပိုင်း ပထမဆုံးအကြိမ်အဖြစ် လီယိုနယ် မက်ဆီနဲ့ ခရစ်တီယာနို ရော်နယ်ဒို တို့မပါဝင်လာတဲ့ ဆန်ကာတင်စာရင်းဖြစ်ပါတယ်။