ဗုဒ္ဓကမ္ဘာ့သာသနာပြု ချမ်းမြေ့ဆရာတော်ဘုရားကြီး၏ (၉၇)နှစ်ပြည့်မွေးနေ့မင်္ဂလာပူဇော်ပွဲကျင်းပမည်

၂၀၂၄ ဩဂုတ်(၉)ရက်

အာဖရိကတိုက်အထိ သာသနာပြုခဲ့တဲ့ ဗုဒ္ဓကမ္ဘာ့သာသနာပြု ကျေးဇူးတော်ရှင်ချမ်းမြေ့ဆရာတော်ဘုရားကြီးရဲ့ (၉၇)နှစ်ပြည့်မွေးနေ့မင်္ဂလာပူဇော်ပွဲကို ဩဂုတ်လ(၁၁)ရက်နေ့မှာကျင်းပသွားဖို့ရှိတယ်လို့ သိရပါတယ်။

ဆရာတော်ဘုရားကြီးရဲ့ (၉၇)နှစ်ပြည့်မွေးနေ့မင်္ဂလာပူဇော်ပွဲကို ချမ်းမြေ့ရိပ်သာကျောင်း(ရန်ကုန်)မှာကျင်းပဖို့ရှိတယ်လို့သိရပါတယ်။

ကျေးဇူးတော်ရှင် ချမ်းမြေ့ဆရာတော်ဘုရားကြီး၏ ၉၇ နှစ်ပြည့်မွေးနေ့မင်္ဂလာပူဇော်ပွဲသို့ ဆရာတော်ဘုရားကြီးရဲ့တပည့် ဒါယကာ ဒါယိကာမအပေါင်းတို့ကြွရောက်ကြည်ညို ပူဇော်နိုင်ကြဖို့ ဖိတ်ခေါ်ထားပါတယ်။

ကမ္ဘာ့သာသနာပြု ကျေးဇူးတော်ရှင်ချမ်းမြေ့ဆရာတော်ဘုရားကြီးဟာ ရန်ကုန်ချမ်းမြေ့၊မှော်ဘီချမ်းမြေ့၊ပြင်ဦးလွင်ချမ်းမြေ့၊အောင်ပန်းချမ်းမြေ့ စတဲ့ပြည်တွင်းချမ်းမြေ့ရိပ်သာကျောင်းတွေ အပြင် စင်ကာပူချမ်းမြေ့နဲ့ ပြည်ပချမ်းမြေ့ရိပ်သာကျောင်း ပေါင်းများစွာကိုတည်ထောင်ပြီး သာသနာပြုနေတဲ့ သက်တော်ရှည် ဆရာတော်ကြီး တစ်ပါးလည်း ဖြစ်ပါတယ်။