ဗိုလ်မှူးကြီး စောချစ်သူအပါအဝင် BGFရဲ့ ထိပ်ပိုင်းခေါင်းဆောင်တွေကို ဖမ်းဝရမ်းထုတ်ဖို့ ထိုင်းပြင်ဆင်

၂၀၂၅၊ဖေဖော်ဝါရီလ၊၁၁ရက်

ကရင်နယ်ခြားစောင့်တပ်(BGF) ရဲ့ခေါင်:ဆောင် ဗိုလ်မှူးကြီး စောချစ်သူအပါအဝင် ထိပ်တန်းခေါင်းဆောင်တွေကို လူကုန်ကူးမှု နဲ့ ဖမ်းဝရမ်းထုတ်နိုင်ဖို့ ထိုင်းအထူးစုံစမ်းစစ် ဆေးရေးဌာန(DSI) က ပြင်ဆင်နေတယ်လို့ ထိုင်းသတင်းဌာနတွေက ဖော်ပြလာကြပါတယ်။

ထိုင်းအထူးစုံစမ်းစစ် ဆေးရေးဌာန(DSI) က ဗိုလ်မှူးကြီးစောချစ်သူ၊ ဗိုလ်မုတ်သုံ၊ ဗိုလ်မှူးတင်ဝင်းတို့အပါအဝင် ထိပ်ပိုင်းခေါင်းဆောင်တစ်ချို့ကို သက်သေအထောက်အထားတွေနဲ့တကွ တရားစွဲဆိုသွားမှာဖြစ်တယ်လို့ ထိုင်းသတင်း မာတီချွန်းက ဖော်ပြထားပါတယ်။

ဖမ်းဝရမ်းထုတ်မယ့် ကိစ္စနဲ့ ပတ်သတ်ပြီး ထိုင်းတရားရေးဝန်ကြီး ထဝီးဆော့ဆုန်က ‘’အိမ်နီးချင်းနိုင်ငံမှာ ထိန်းသိမ်းခံခဲ့ရတဲ့ထိုင်းနိုင်ငံသားတွေရဲ့ အမှုဟောင်းတွေနဲ့ ပတ်သက်ပြီး စုံစမ်းစစ်ဆေးရာကနေ ဗိုလ်မှူးကြီးစောချစ်သူနဲ့ BGF ထိပ်တန်းခေါင်းဆောင်တွေက လူကုန်ကူးမှုမှာ ပါဝင်ပတ်သက်နေတယ်ဆိုတာကို တွေ့ရှိရတာကြောင့် အခုလို ဖမ်းဝရမ်းထုတ်ဖို့ ပြင်ဆင်တဲ့အထိ ဖြစ်လာတာ’’ လို့ ဒီနေ့မှာ ပြောလိုက်ပါတယ်။

ဒါ့အပြင် လူကုန်ကူးမှုဟာ နယ်စပ်ဖြတ်ကျော် ရာဇဝတ်မှုဖြစ်နေတာကြောင့် မြန်မာအစိုးရနဲ့ ညှိနှိုင်းဆောင်ရွက် ပူးပေါင်းလုပ်ဆောင်မှုတော့ လိုအပ်သလို လုပ်သွားမယ်လို့ လည်း ထိုင်းတရားရေးဝန်ကြီး ထဝီးဆော့ဆုန်က ပြောပါတယ်။

မူရင်းဓါတ်ပုံပိုင်ရှင်ကို credit ပေးပါသည်။

#mercury#mercurynews#ထိုင်း#BGF#ဖမ်းဝရမ်း