ဗိုလ်တထောင်စေတီတော် လုံးတော်ပြည့်ရွှေသင်္ကန်းကပ်လှူရန်တင်ဒါများခေါ်ယူထား

————————————-

၂၀၂၄ခုနှစ်၊အောက်တိုဘာလ၊(၁၁)ရက်

ဗိုလ်တထောင်စေတီတော်မြတ်ကြီးကို လုံးတော်ပြည့်ရွှေသင်္ကန်းကပ်လှူဖို့ ငြမ်းဆင်တာ ၊ရွှေအမှိုက်ချွတ်တာ၊ရွှေဆိုင်းတင်သွင်းတာအပါအဝင် ‌ရွှေသင်္ကန်းကပ်လှူနိုင်ရေးအတွက် လုပ်ငန်းတင်ဒါတွေခေါ်ယူနေတယ်လို့ သိရပါတယ်။

(၁)စေတီတော်ကြီး၊အရံစေတီတော်နဲ့ရင်ပြင်တော်ရှိစေတီတော်တွေ ငြမ်းဆင်တဲ့လုပ်ငန်း၊

(၂) စေတီတော်ကြီး၊အရံစေတီတော်နဲ့ရင်ပြင်တော်ရှိစေတီတော်တွေ အမှိုက်ချွတ်တဲ့ လုပ်ငန်းအတွက်ဈေးပြိုင်တင်ဒါခေါ်ယူထားပါတယ်။

ဒီ့အပြင် (၃)ရွှေသင်္ကန်းကပ်လှူရန် (၉)လက်မပတ်လည်ရွှေစင်ရွှေပြားကပ်လှူတဲ့လုပ်ငန်း၊

(၄) စေတီတော်ကြီး၊အရံစေတီတော်နဲ့ရင်ပြင်တော်ရှိစေတီတော်တွေရွှေသင်္ကန်းကပ်လှူ (လက်ခ)လုပ်ငန်း

(၅)(၂)လက်မပတ်လည် ရွက်ရေ(၁၀၀)ပါရွှေဆိုင်း(၇၅၀၀)ဆိုင်းတင်သွင်းခြင်းလုပ်ငန်း စတဲ့လုပ်ငန်းတွေအတွက်လည်း ဈေးပြိုင်တင်ဒါခေါ်ယူထားပါတယ်။

ငြမ်းဆင်လုပ်ငန်း၊ရွှေအမှိုက်ထုတ်လုပ်ငန်းအတွက်‌အောက်တိုဘာလ(၁၇)ရက်နောက်ဆုံးထား ပြီးတင်ဒါတင်သွင်းရမှာြဖစ်ပြီး ကျန်လုပ်ငန်းတွေအတွက်တော့ အောက်တိုဘာလ(၂၀)ရက် နောက်ဆုံးထားပြီးတင်ဒါတင်သွင်းရမှာဖြစ်တယ်လို့ သိရပါတယ်။