ဗဟိုဘဏ်မှပိုလျှံသီးသန့်ငွေအပေါ်တွင်ပေးသည့်ဘဏ်အတိုးနှုန်း တိုးမြှင့်

———————————–

၂၀၂၅ခုနှစ်၊မတ်လ၊(၂၂)ရက်

မြန်မာနိုင်ငံတော်ဗဟိုဘဏ်အနေနဲ့ ဘဏ်‌တွေက

ပိုလျှံသီးသန့်ငွေအပေါ်တွင်ပေးတဲ့ အတိုးနှုန်းအား (၃.၈)ရာခိုင်နှုန်းမှ (၆)ရာခိုင်နှုန်းသို့တိုးမြှင့် သတ်မှတ်ပေးလိုက်တယ်လို့ သိရပါတယ်။

အဲဒီ့လို တိုးမြှင့်ပေးမယ့်အကြောင်းကို ဗဟိုဘဏ်က မတ်လ(၂၁)ရက်ထုတ်ပြန်လိုက်ပြီး မတ်လ(၂၆) ရက်မှ ဧပြီလ(၂၂)ရက် ထိန်းသိမ်းမှုကာလမှစတင်ကျင့်သုံးသွားမယ်လို့ဆိုပါတယ်။

ထုတ်ပြန်ချက်မှာ မြန်မာနိုင်ငံတော်ဗဟိုဘဏ်ဟာ ဘဏ်‌တွေက မြန်မာကျပ်ငွေ (CAB) ဖြင့်ထားရှိရမယ့်အနည်းဆုံးသီးသန့်ငွေလိုအပ်ချက်ထက်ကျော်လွန်တဲ့ ပျမ်းမျှပိုလျှံသီးသန့်ငွေအပေါ်မှာပေးတဲ့ အတိုးနှုန်းကို (၃.၈)ရာခိုင်နှုန်းမှ( ၆) ရာခိုင်နှုန်းသို့ တိုးမြှင့်သတ်မှတ်တဲ့အမှာစာကို ထုတ်ပြန်ခဲ့ထားပါတယ်။

ပျမ်းမျှပိုလျှံ သီးသန့်ငွေအပေါ် အတိုးပေးရာမှာ ပျမ်းမျှပိုလျှံသီးသန့်ငွေ ပမာဏ အနည်းဆုံး ကျပ် ၇ ဘီလီယံနဲ့ အထက်ရှိတဲ့ ဘဏ်တွေကိုသာ အတိုးပေးမှာ ဖြစ်ပြီး အများဆုံး ပိုလျှံသီးသန့်ငွေ ပမာဏ ကျပ်ဘီလီယံ ၅၀ ထိသာ ခွင့်ပြုမှာ ဖြစ်တယ်လို့လည်း အမှာစာထဲမှာ ပါရှိပါတယ်။

အဲဒီ့လို ပျမ်းမျှပိုလျှံသီးသန့်ငွေအပေါ်အတိုးပေးတာကိုမြန်မာကျပ်ငွေနဲ့ လက်လီဘဏ်လုပ်ငန်းဝန်ဆောင်မှု တွေ (Retail Banking) ခွင့်ပြုထားတဲ့

နိုင်ငံပိုင်ဘဏ်၊ပုဂ္ဂလိကဘဏ်၊နိုင်ငံခြား လက်အောက်ခံဘဏ်တွေမှာ တပြေးညီဆောင်ရွက်သွားမယ်လို့ ထုတ်ပြန်ချက်မှာ ဖော်ပြထားပါတယ်။

ဓါတ်ပုံ-မူရင်းပိုင်ရှင်ကို Creditပေးပါသည်။

#Mercury#mercurynews#ပြည်တွင်းသတင်း#ဗဟိုဘဏ်#အတိုးနှုန်း