ပူတင်ကယူကရိန်းတပ်များလက်နက်ချရန် တောင်းဆို၊အသက်အာမခံချက် ပေးမည်ဟုဆို

————————————————————————————–

၂၀၂၅ခုနှစ်၊မတ်လ၊(၁၅)ရက်

ယူကရိန်းသမ္မတZelensky က ရုရှားကို ဖိအားပေးဖို့ အမေရိကန်ကို တောင်းဆိုခဲ့သလို ရုရှားရဲ့ Kurskမြို့မှာရှိတဲ့ ယူကရိန်းတပ်တွေကို လက်နက်ချဖို့ ရုရှားသမ္မတပူတင်ကလည်း တောင်းဆိုလိုက်တယ်လို့ သိရပါတယ်။

ရုရှားသမ္မတ ဗလာဒီမာပူတင်က ယူကရိန်းတပ်တွေကို လက်နက်ချဖို့ Kursk ဒေသမှာရှိတဲ့ ယူကရိန်းတပ်တွေကို သံတမန်ရေးအရ အပြန်ပြန်အလှန်လှန် တောင်းဆိုလိုက်တယ်လို့ CNN သတင်းဌာနက ဖော်ပြထားပါတယ်။

သောကြာနေ့က ရုရှားလုံခြုံရေးကောင်စီအဖွဲ့ဝင်အစည်းအဝေးမှာ ပူတင်က ‘’ဒေသတွင်းရှိ ယူကရိန်းတပ်တွေဟာ အရပ်သားတွေအပေါ် ရာဇ၀တ်မှုကျူးလွန်တယ်လို့ စွပ်စွဲခဲ့သော်လည်း ရုရှားတပ်ဖွဲ့ဝင်တွေက နယ်မြေပြန်လည်သိမ်းယူခြင်းကြောင့် အမေရိကန်သမ္မတ Donald Trump ရဲ့ဆန္ဒကို အသိအမှတ်ပြုပြီး လက်နက်ချတဲ့စစ်သားတွေရဲ့ အသက်ကို အာမခံချက်ပေးမယ်”လို့ပြောကြားခဲ့ပါတယ်။

အမေရိကန်သမ္မတ Trumpက Kursk ရှိ ယူကရိန်းတပ်ဖွဲ့ဝင်တွေရဲ့ အသက်ကို ကယ်တင်ရန် ပူတင်အား ပြင်းပြင်းထန်ထန် တောင်းဆိုခဲ့ကြောင်းလည်း ပြောကြားထားပါတယ်။

ဒါနဲ့ပတ်သက်လို့ “ဒီစစ်မှုထမ်းတွေနဲ့ပတ်သက်ပြီး လူသားချင်းစာနာထောက်ထားမှုဆိုင်ရာ ထည့်သွင်းစဉ်းစားမှုတွေလုပ်ဖို့ သမ္မတ Trump ရဲ့ တောင်းဆိုမှုကို နားလည်ပါတယ်” လို့ ရုရှားသမ္မတပူတင်က သောကြာနေ့မှာ ပြောကြားခဲ့ပါတယ်။

“ဒီကိစ္စနဲ့ ပတ်သက်လို့၊ သူတို့ဟာ လက်နက်ချပြီး လက်နက်ချမယ်ဆိုရင် နိုင်ငံတကာဥပဒေနဲ့ ရုရှားဖက်ဒရေးရှင်းရဲ့ ဥပဒေတွေနဲ့အညီ အသက်အာမခံချက်နဲ့ သင့်တင့်လျောက်ပတ်တဲ့ ဆက်ဆံမှုတွေကို အာမခံချက်ပေးမှာဖြစ်ကြောင်း အလေးပေးပြောကြားလိုပါတယ်”လို့ ဆက်ပြောထားပြီး သို့သော်လည်း ယူကရိန်းစစ်တပ်ဟာ Kurskမှာ ဦးစွာ လက်နက်ချပြီးမှာသာ သူရဲ့(ရုရှား)တပ်ဖွဲ့ဝင်တွေကို အမိန့်ပေးမှာဖြစ်တယ်လို့ ၎င်းက ပြောကြားခဲ့ပါတယ်။

အခုသီတင်းပတ်အစောပိုင်းမှာ ဆော်ဒီအာရေးဗီးယားရှိ အမေရိကန်နဲ့ တွေ့ဆုံဆွေးနွေးပြီးနောက် ရုရှား-ယူကရိန်းရက်ပေါင်း ၃၀ ကြာ အပစ်အခတ်ရပ်စဲရေးဆိုင်ရာ အမေရိကန်အဆိုပြုချက်ကို ယူကရိန်းတာဝန်ရှိသူများက လက်ခံထားသလို ရုရှားကိုလည်း အပစ်အခတ်ရပ်စဲဖို့ အမေရိကန်ကဖိအားတွေပေးနေတာဖြစ်တယ်လို့ သိရပါတယ်။

Photo Credit -CNN

#MERCURY#mercurynews#နိင်ငံတကာသတင်း#ရုရှား#ယူကရိန်း