ပညာထူးချွန်ပြီး လန်ဒန်ကနေ ဘွဲ့ ၃ ခု ယူခဲ့ပေမယ့် စီးပွားရေးလုပ်ငန်းရှင်မလုပ်ဘဲ သရုပ်ဆောင်မင်းသမီးဘဝကို ရွေးခဲ့သူ ပရီနီးတီး ချိုပရာ

ဒီကနေ့ ဘောလိဝုဒ်လောကရဲ့အတက်ကြွဆုံးနဲ့ အလားအလာအကောင်းဆုံးဖြစ်သလို ငယ်ရွယ်ပျိုမြစ်မှုတွေနဲ့ ပြည့်စုံနေတဲ့ သရုပ်ဆောင်မင်းသမီးတစ်လက်က ပရီနီးတီး ချိုပရာ ဖြစ်ပါတယ်။

ပရီနီးတီး ချိုပရာ ဟာ ပညာရေးဘက်မှာ အရမ်းထူးချွန်သူတစ်ယောက်ဖြစ်ပါတယ်။ အသက် ၁၇ နှစ်အရွယ်မှာ ပညာရေးအတွက် လန်ဒန်ကို ထွက်ခွာလာခဲ့ပြီး မန်ချက်စတာ စီးပွားရေးကျောင်းမှာ ပရီနီးတီး ချိုပရာ က စာရင်းသွင်းခဲ့တာပါ။

သူမဟာ ပညာရပ်ဆိုင်ရာဘွဲ့ ၃ ခုအထိ ဆွတ်ခူးရယူနိုင်ခဲ့ပြီး စီးပွားရေး၊ ဘဏ္ဍာရေးနဲ့ ဘောဂဗေဒတွေဘက်မှာ ပရီနီးတီး ချိုပရာ က ဘွဲ့တွေရရှိခဲ့တာပါ။

၂၀၁၁ ခုနှစ်မှာ သူမဘဝအတွက် အရေးပါတဲ့ဆုံးဖြတ်ချက်ကြီးကို ပရီနီးတီး ချိုပရာ က ချမှတ်ခဲ့ပါတယ်။ အဲ့ဒါကတော့ စီးပွားရေး၊ ဘဏ္ဍာရေးနဲ့ ဘောဂဗေဒ ၃ ဘွဲ့ရှင်ဟာ စီးပွားရေးလုပ်ငန်းရှင်ဖြစ်ဖို့ မရွေးချယ်ဘဲ သရုပ်ဆောင်တစ်ယောက်အဖြစ် စွန့်စားခန်းဖွင့်ဖို့ ဆုံးဖြတ်လိုက်တာပါပဲ။

အခုတော့လည်း ပရီနီးတီး ချိုပရာရဲ့ဆုံးဖြတ်ချက် မှန်ကန်ခဲ့တယ်လို့ ဆိုရမှာပါပဲ။ သူမဟာ ဘောလိဝုဒ်မှာ အလားအလာအကောင်းဆုံး သရုပ်ဆောင်မင်းသမီးတစ်လက်အဖြစ် အောင်မြင်မှုတွေ ရရှိလို့နေပြီပဲဖြစ်ပါတယ်။