နောက်ထပ် အက်ရှင်ကားတွေ ရိုက်ကူးချင်သေးတယ်လို့ ရှာရွတ်ခန်း ပြော

ဘောလိဝုဒ်အကျော်ဒေးယျ သရုပ်ဆောင်မင်းသားကြီး ရှာရွတ်ခန်းက သူ့အနေနဲ့ နောက်ထပ် အက်ရှင်ကားတွေ ရိုက်ကူးချင်ပါသေးတယ်လို့ ထုတ်ဖော်အသိပေးလိုက်ပါတယ်။

အခုအချိန်မှာ သူ့ရဲ့အသက်အရွယ်နဲ့ သင့်တော်လျော်ညီတဲ့ အသက်ရော ဇာတ်ရုပ်ပါ သူ့အတွက် ကွက်တိကျစေမယ့် ဇာတ်ကားတစ်ကားကိုလည်း ဖန်တီးပြချင်မိတယ်လို့ ရှာရွတ်ခန်းက အသိပေးလိုက်ပါတယ်။

၂၀၂၃ ခုနှစ်အတွင်းမှာ ရှာရွတ်ခန်းက ရုပ်ရှင်ကား ၃ ကား ရိုက်ကူးခဲ့ပြီး အဲ့ဒီဇာတ်ကားတွေထဲမှာ ၂ ကားက အက်ရှင်ကားတွေ ဖြစ်ပါတယ်။

ရှာရွတ်ခန်းရဲ့အက်ရှင်ကား ၂ ကားဖြစ်တဲ့ Pathaan နဲ့ Jawan တို့ဟာ တကယ့်ကို ထိပ်တန်းအဆင့် အောင်မြင်မှုတွေ ရရှိခဲ့ပြီး ရှာရွတ်ခန်းက အရွယ်တစ်ခုကိုရောက်လာမှ အက်ရှင်ကား ထပ်ရိုက်ပြချင်တယ် ပြောလာလို့ ရုပ်ရှင်ဝေဖန်ရေးသမားတွေကလည်း အံ့အားသင့်နေကြပါတယ်။

Drama King လို့ နာမည်ကြီးတဲ့ ရှာရွတ်ခန်းဟာ အခုမတိုင်ခင်ကလည်း အက်ရှင်ကားတွေ ရိုက်ကူးပြခဲ့ဖူးပြီး အက်ရှင်ကားဆိုတာ လူလတ်ပိုင်းအရွယ်မှာ ပိုရိုက်သင့်တဲ့အမျိုးအစားဖြစ်ပေမယ့် ရှာရွတ်ခန်းက ဒါကို ပြောင်းပြန်လှန်ပြမယ့်သဘောမျိုး အစပြုတာဖြစ်နိုင်တယ်လို့လည်း လေ့လာသူတွေက သုံးသပ်ထားပါတယ်။

ရှာရွတ်ခန်းဟာ ၂၀၂၄ ခုနှစ် ဇန်နဝါရီလကိုရောက်ရငက် သူ့သမီးနဲ့အတူ ရုပ်ရှင်ကားတစ်ကား စတင်ရိုက်ကူးတော့မှာဖြစ်ပြီး အဲ့ဒီဇာတ်ကားရဲ့နာမည်က King ဖြစ်လိမ့်မယ်လို့ ဖော်ပြမှုတွေ ရှိနေပါတယ်။