နေပြည်တော် သူရဲကောင်းဗိမာန်အနီးမြက်ခြောက်မီးလောင်မှု၊ရန်ကုန်ကျူတောမီးလောင်မှုများဖြစ်ပွား

————————————————————————————

၂၀၂၅ခုနှစ်၊ဖေဖော်ဝါရီလ၊(၂၁)ရက်

နေပြည်တော်နဲ့ရန်ကုန်မှာ ဖေဖော်ဝါရီလ(၂၁)ရက်မနက်ပိုင်းတွေမှာ နေပြည်တော် သူရဲကောင်းဗိမာန်အနီးမြက်ခြောက်မီးလောင်မှု၊ ရန်ကုန်သုစိတာ(၁၁)လမ်း ၊ကျူတော မီးလောင်မှုတွေ ဖြစ်ပွားခဲ့တယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်။

ဖေဖော်ဝါရီလ(၂၁)ရက်မနက်အစောကြီးပိုင်း ၃နာရီ၂၈မိနစ်မှာ နေပြည်တော်၊ ဇေယျာသီရိမြို့နယ်၊ သူရဲကောင်းဗိမာန်နောက်ကျောမှာ မြက်ခြောက် မီးလောင်မှုဖြစ်ပွားခဲ့တာဖြစ်ပါတယ်။

မီးလောင်ကျွမ်းမှုကို ဇေယျာသီရိမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ အောင်ဇေယျနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ ဝင်များဖြင့် သွားရောက်ငြှိမ်းသတ်ခဲ့ရာ ၀၅ ၁၅အချိန်မှာ မီးငြိမ်းခဲ့ပါတယ်။

ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ (၂)ရပ်ကွက်၊ သုစိတာ(၁၁)လမ်းမှာ ကျူတောမီးလောင်မှုဖြစ်ပွားခဲ့ပြီး မြောက်ဥက္ကလာပမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ရေသယ်ယာဉ်(၁)စီး၊ ရွှေပေါက္ကံမြို့နယ်မီးသတ်စခန်းမှ မီးသတ်ယာဉ်(၁)စီးတို့ဖြင့် ငြှိမ်းသတ်ခဲ့ရာ ၀၈ ၅၇ အချိန် မီးငြိမ်းသွားတယ်လို့ သိရပါတယ်။