နာဂစ်ဖြစ်ရပ်ကလူ ပြန်ဝင်စားလာတဲ့သမီးလေး မွေးပြီးတဲ့နောက် ကံကောင်းလာတဲ့ ဇာနည်မောင်တို့မိသားစု

နာဂစ်ဖြစ်ရပ်ကလူ ပြန်ဝင်စားတာလို့ ယူဆနိုင်တဲ့ သမီးလေး မွေးလာပြီးတဲ့နောက်မှ ကံကောင်းလာခဲ့တဲ့ သရုပ်ဆောင် ဇာနည်မောင်တို့ ဇနီးမောင်နှံ
———————
သရုပ်ဆောင် ဇာနည်မောင်ရဲ့အကြောင်းကို အားလုံး သိပြီးသား ဖြစ်နေလောက်ပါပြီ။ အခုတော့ ပလုံကောက်တဲ့ တွန်းလှည်းလေးကို တွန်းပြီး မိသားစုဘဝရပ်တည်ရေးအတွက် အလုပ်တွေ ကြိုးစားခဲ့ရသူ ကိုဇာနည်မောင် ဟာ ပလုံကောက်တဲ့အလုပ်ကို မလုပ်တော့ဘဲ လုပ်ငန်းသစ်တစ်ခုကို ပြောင်းလဲလုပ်ကိုင်ဖို့ စိတ်ကူးပြောင်းလိုက်ပါပြီ။ ဒီလို ကံကြမ္မာကောင်းတွေ သူတို့မိသားစုဆီ ရောက်ရှိလာတာဟာ သိပ်မကြာခင်က မွေးဖွားခဲ့တဲ့ သမီးလေးကြောင့်လို့ ကိုဇာနည်မောင်တို့ ဇနီးမောင်နှံက ယုံကြည်ထားပါတယ်။ ဒီသမီးလေး မမွေးဖွားခင် တစ်ပတ်အလိုမှာ ကိုဇာနည်မောင်က အိပ်မက်တစ်ခု မြင်မက်ခဲ့ပါတယ်။ ဒီအိပ်မက်ကို ကိုဇာနည်မောင်ရဲ့ဇနီးလည်း မြင်မက်ခဲ့တာပါ။ နာဂစ်လို့ထင်ရတဲ့ အိပ်မက်တစ်ခုထဲမှာ အမျိုးသမီးတစ်ယောက်က “အစ်ကိုရေ…ကျွန်မကို ကယ်ပါ၊ အစ်ကိုရေ…ကျွန်မကို ကယ်ပါ”လို့ အော်ပြီး သူတို့ဆီကို ပြေးလာခဲ့တဲ့အကြောင်း ကိုဇာနည်မောင်က ပြောပြပါတယ်။ သူတို့ဆီကို လူဝင်စားလိုပုံစံနဲ့ရောက်လာတဲ့ ဒီသမီးလေးဟာ အရင်ဘဝက ချမ်းသာတဲ့အသိုင်းအဝိုင်းကဖြစ်နိုင်ပြီး ဒီဘဝကိုရောက်တော့ ဆင်းရဲတွင်းထဲရောက်မယ့်အနေအထားကို သူ့အထုပ်နဲ့သူ လာပြီး မိဘနှစ်ပါးကိုတောင် မွေးဖွားပြီး ရက်ပိုင်းအတွင်းမှာတင် ပိုက်ဆံတွေ ဝင်လာအောင် အကျိုးပြုနေတယ်လို့ ကိုဇာနည်မောင်က အသိပေးပါတယ်။ သူ့သမီးလေးဟာ အဲ့ဒါကြောင့် ကံကောင်းတဲ့သူ ဖြစ်လာလိမ့်မယ်၊ သမီးလေး မွေးတဲ့အချိန်မှာပဲ သူတို့မိသားစုကို ကူညီမယ့်သူ လှူဒါန်းမယ့်သူတွေ ပေါ်လာတာဟာ တိုက်ဆိုင်မှုသက်သက် မဟုတ်ဘဲ သမီးလေးကြောင့်ဖြစ်တယ်လို့ ကိုဇာနည်မောင်တို့ ဇနီးမောင်နှံက ယုံကြည်ထားပါတယ်။ နာဂစ်တိုက်တဲ့ ထူးဆန်းအိပ်မက်,မက်ပြီးတဲ့နောက်မှ မွေးဖွားလာခဲ့တဲ့ ပြန်ဝင်စားလာသူလို့ ထင်မှတ်စရာ သမီးလေးကြောင့် ဘဝအဆင်ပြေလာခဲ့သူ သရုပ်ဆောင် ကိုဇာနည်မောင်တို့ဇနီးမောင်နှံအကြောင်းကို Mercury Variety ပရိသတ်တွေအတွက် တင်ဆက်ပေးလိုက်ပါတယ်။
#MercuryVariety #MV #MercuryExclusiveInterview #ExclusiveInterview #MercuryLifeStory #LifeStory #ZarNiMaung #ဇာနည်မောင် #နာဂစ် #Nagis #လူဝင်စား #ကံကြမ္မာ #မိသားစု #Family #ထူးဆန်းအိပ်မက် #အိပ်မက် #Dream #Yangon #Myanmar