ဒေးဗစ်ဘက်ခမ်းဟာ အင်တာမီယာမီကို ဘာစီလိုနာ 2.0 ဗားရှင်းအဖြစ် အသက်သွင်းဖို့ ကြံစည်နေတာလား

ဒေးဗစ်ဘက်ခမ်း ဟာ သူပိုင်ဆိုင်တဲ့ အမေရိကန်မေဂျာလိဂ်ကလပ် အင်တာမီယာမီအသင်းကို ဘာစီလိုနာ 2.0 ဗားရှင်းအဖြစ် အသက်သွင်းဖို့ ကြံစည်နေလေသလားဆိုတာက စိတ်ဝင်စားစရာပါပဲ။

ဘာကြောင့်လဲဆိုတော့ ဒေးဗစ်ဘက်ခမ်း စုစည်းထားပြီးတဲ့ ကစားသမားတွေနဲ့ ထပ်ပြီး စုစည်းဖို့ ကြံရွယ်နေတဲ့ ကစားသမားတွေထဲမှာ ဘာစီလိုနာကစားသမားဟောင်းတွေ များပြားနေလို့ပါပဲ။

လက်ရှိမှာ ဒေးဗစ်ဘက်ခမ်းက မက်ဆီ၊ ဆွာရက်ဇ်၊ ဂျော်ဒီ အယ်လ်ဘာ၊ ဘတ်စ်ကွက်စ် အစရှိတဲ့ ကစားသမားဟောင်းတွေကို သူ့ရဲ့အသင်း အင်တာမီယာမီအတွက် စုစည်းထားပြီးပါပြီ။

အင်တာမီယာမီအတွက် ဘက်ခမ်း ခန့်အပ်ထားတဲ့နည်းပြကလည်း ဘာစီလိုနာနည်းပြဟောင်းတစ်ယောက်ဖြစ်သူ တာတာ မာတီနို ပါပဲ။

အင်တာမီယာမီအတွက် ဘက်ခမ်း ထပ်ပြီး ခေါ်ယူချင်နေတဲ့ ကစားသမား ၃ ယောက်ထဲမှာလည်း ဘာစီလိုနာ ကစားသမားဟောင်းက ၂ ယောက်တောင် ပါဝင်လို့ နေပါတယ်။

ဘက်ခမ်းဟာ ဒီဂီယာ၊ အင်နီယေစတာနဲ့ ရာကီတစ် တို့ကို အင်တာမီယာမီအတွက် ခေါ်ချင်နေပြီး အဲ့ဒီ ၃ ယောက်ထဲမှာ ဂိုးသမား ဒီဂီယာကလွဲရင် ပျန်တဲ့ ၂ ယောက်က ဘာစီလိုနာကစားသမားဟောင်းတွေပဲ ဖြစ်ပါတယ်။

ဒေးဗစ်ဘက်ခမ်း ဟာ အင်တာမီယာမီကို ဘာစီလိုနာကစားသမားဟောင်းတွေနဲ့အထိုင်ချပြီး ဘာစီလိုနာ 2.0 ဗားရှင်းအဖြစ် အထိုင်ချချင်နေလေသလားဆိုတာက စိတ်ဝင်စားစရာပါပဲ။