တရုတ်လာမယ့် စီရော်နယ်ဒိုကို ဆိုင်းဘုတ် လေးသောင်း၊ ဘန်နာဆိုင်းဘုတ် တစ်သောင်းနဲ့ကြိုဖို့ တရုတ်က ပရိသတ်တွေ ပြင်ဆင်ထားပြီ

တရုတ်နိုင်ငံက ဘောလုံးပရိသတ်တွေဟာ တရုတ်နိုင်ငံဆီကို ခြေစမ်းပွဲကစားပေးဖို့ ရောက်ရှိလာမယ့် စီရော်နယ်ဒိုကို ကြီးကျယ်ခမ်းနားမှုနဲ့ ကြိုဆိုဖို့ စီစဉ်နေပြီဖြစ်ကြောင်း သိရှိရပါတယ်။

စီရော်နယ်ဒိုဟာ ဆော်ဒီအာရေဗျကလပ် အယ်လ်နတ်စ်ဆာအသင်းနဲ့အတူ တရုတ်နိုင်ငံဆီကို ခြေစမ်းပွဲ ကစားပေးဖို့ သိပ်မကြာခင်မှာပဲ ရောက်လာတော့မှာပါ။

ဇန်နဝါရီလ ၂၄ ရက်နေ့ကိုရောက်ရင် အယ်လ်နတ်စ်ဆာအသင်းက တရုတ်ကလပ် ရှန်ဟိုင်းရှင်ဟွာနဲ့ ခြေစမ်းပွဲ ကစားဖို့ ရှိနေပြီး အဲ့ဒီပွဲစဉ်မှာ RONALDO 7 ဆိုတဲ့ စာလုံးကို ပရိသတ်တွေက ဆိုင်းဘုတ် လေးသောင်းနဲ့ ပုံဖော်ပြီး စီရော်နယ်ဒိုကို ကြိုဆိုမယ်လို့ သတင်းကြားသိရပါတယ်။

တရုတ်နိုင်ငံက ဘောလုံးပရိတ်သတ်တွေဟာ အဲ့ဒီလို ဆိုင်းဘုတ်ဘန်နာတွေနဲ့ ကြိုဆိုဂုဏ်ပြုမှုကို ပထမပိုင်း ပွဲအစ ၇ မိနစ်နဲ့ ဒုတိယပိုင်း ပွဲအစ ၇ မိနစ် (ပွဲချိန် ၅၂ မိနစ်) တွေမှာ ပြုလုပ်သွားဖို့ စီစဉ်ထားပါတယ်။

စီရော်နယ်ဒို ဝတ်ဆင်တဲ့ ကျောနံပါတ် ၇ ကို ဂုဏ်ပြုတဲ့အနေနဲ့ ၇ မိနစ်တွေမှာ အခုလို ဂုဏ်ပြုဖို့ တရုတ်ဘောလုံးပရိသတ်တွေက ပြင်ဆင်ထားတာပါ။

လာမယ့် ဇန်နဝါရီလ ၂၈ ရက်နေ့ကို ရောက်ရင်တော့ အယ်လ်နတ်စ်ဆာအသင်းက တရုတ်ကလပ် Zhejiang အသင်းနဲ့ ခြေစမ်းပွဲ ဆက်လက်ကစားသွားမှာဖြစ်ပြီး အဲ့ဒီပွဲစဉ်မှာလည်း တရုတ်ဘောလုံးပရိသတ်တွေက ဘန်နာဆိုင်းဘုတ်ပေါင်း တစ်သောင်းနဲ့ စီရော်နယ်ဒိုကို ကြိုဆိုဂုဏ်ပြုဖို့ ပြင်ဆင်နေပြီဖြစ်ကြောင်း သိရှိရပါတယ်။