‘တရုတ်နှစ်သစ်ကူး ပညာရေးပျော်ပွဲရွှင်ပွဲနှင့် ဈေးရောင်းပွဲတော်’ Junction City၌ကျင်းပနေ

—————————————

၂၀၂၅ခုနှစ်၊ဇန်နဝါရီလ၊(၂၄)ရက်

“တရုတ်နှစ်သစ်ကူး ပညာရေးပျော်ပွဲရွှင်ပွဲနှင့် ဈေးရောင်းပွဲတော်ကြီး”ကို Junction City Level-2 Promotion Area မှာ ဇန်နဝါရီလ ၂၃ ရက်မှ၂၆ရက် အထိပြုလုပ်ကျင်းပလျက်ရှိတယ်လို့ သိရပါတယ်။

ဇန်နဝါရီလ ၂၃ ရက်နဲ့ ၂၄ ရက်နေ့တွေမှာ ဆိုရင်တော့ Myanmar Long De Chuan Ren Lion Dance အဖွဲ့ရဲ့ ရင်သပ်ရှုမောဖွယ်၊ စိတ်လှုပ်ရှားဖွယ် ခြင်္သေ့အကမျိုးစုံတို့ဖြင့် လှပစွာပုံ‌ဖော်တင်ဆက် ဖျော်ဖြေသွားမှာဖြစ်ပါတယ်။

ဇန်နဝါရီလ ၂၅ ရက် နှင့် ၂၆ ရက်မှာ ကျောင်း ပေါင်းစုံမှ ကျောင်းသူ၊ ကျောင်းသားတွေရဲ့ သီဆိုဖျော်ဖြေမှု Talent Show တွေနဲ့ ဗဟုသုတရဖွယ် အစီအစဉ်ပေါင်းများစွာကို ကြည့်ရှုရမှာ ဖြစ်တယ်လို့ သိရပါတယ်။

၂၃ ရက်မှ ၂၆ ရက်နှစ်သစ်ကူးပွဲတော် လေးရက်လုံးမှာတော့ အရသာရှိလွန်းတဲ့ တရုတ်မုန့်ဆိုင်တွေအပြင်၊ တခြားအစားအသောက်ဆိုင်တွေလည်း စီစဉ်ပေးထားတယ်လို့ သိရပါတယ်။

မူရင်းဓါတ်ပုံပိုင်ရှင်ကို creditပေးပါသည်။

#mercury#mercurynews#ပြည်တွင်းသတင်း#တရုတ်နှစ်သစ်ကူး