တရုတ်ကြက်ခြေနီအသင်းနှင့်ယူနန်ကြက်‌ခြေနီအသင်းမှမြန်မာအတွက်ယွမ်ငွေ(၂.၄)သန်းအပြင် ကယ်ဆယ်ရေးပစ္စည်းများ ပေးအပ်ခဲ့

————————————–

၂၀၂၅ခုနှစ်၊ဧပြီလ၊(၁)ရက်

တရုတ်နိုင်ငံ ကြက်ခြေနီအသင်းမှ မြန်မာအတွက်ယွမ်ငွေ (၁.၅)သန်းအပြင် ကယ်ဆယ်ရေးပစ္စည်းများ ပေးအပ်လှူဒါန်းခဲ့တယ်လို့ မြန်မာနိုင်ငံဆိုင်ရာ တရုတ်သံရုံးမှ သိရပါတယ်။

တရုတ်နိုင်ငံ ကြက်ခြေနီအသင်းဟာ မြန်မာနိုင်ငံကြက်ခြေနီအသင်းသို့ ယွမ်ငွေ (၁.၅) သန်းအပြင် ရွက်ဖျင်တဲ ၃၀၀ ခု၊ ချည်စောင်တဘက်၂၀၀၀ ထည်၊ ခေါက်ကုတင် ၆၀၀ ခုနှင့်ဘေးဒဏ်သင့်မိသားစု ၂၀၀၀ သုံးနိုင်သော မိသားစုအရေးပေါ်ကယ်ဆယ်ရေးသုံးပစ္စည်းအထုပ်များပေးအပ်ခဲ့တာဖြစ်ပါတယ်။

ဒီ့အပြင်ယူနန်ပြည်နယ် ကြက်ခြေနီအသင်းဟာ အလှူငွေ ယွမ် ၉ သိန်း၂ သောင်း နှင့်ယွမ် ၃ သိန်းတန်ဖိုးရှိ ထောက်ပံ့ရေးပစ္စည်းများကို စုဆောင်းနိုင်ခဲ့ပြီး သယ်ယူပို့ဆောင်ရေး လုပ်ငန်းကိုအရှိန်မြှင့် ဆောင်ရွက်လျက်ရှိပါတယ်။

အဲဒီလှူဒါန်းမှုတွေအပြင် The General Association of Dian Entrepreneurs မှ ယွမ် ၁ သန်းကျော်တန်ဖိုးရှိသောဆေးဘက်ဆိုင်ရာ အထောက်အပံ့ပစ္စည်းများလှူဒါန်းခဲ့ပြီး ဘေးသင့်ပြည်သူများထံသို့ ဆက်တိုက် ပို့ဆောင်ပေးလျှက်ရှိတယ်လို့သိရပါတယ်။

မူရင်းဓါတ်ပုံပိုင်ရှင်ကို creditပေးပါသည်။

#mercury#mercurynews#မြန်မာ#၂၀၂၅မြန်မာနိုင်ငံငလျင် #တရုတ်