တစ်ပွဲ ထပ်နိုင်ရင်(သို့)သရေရရင် ရှုံးပွဲမရှိ ပွဲ ၁,၀၀၀ ပြည့်စံချိန် တင်နိုင်တော့မယ့် စီရော်နယ်ဒို

ဆော်ဒီအာရေဗျကလပ် အယ်လ်နတ်စ်ဆာအသင်းရဲ့အသင်းခေါင်းဆောင် စီရော်နယ်ဒိုဟာ နောက်ထပ်နိုင်ပွဲတစ်ပွဲ ရခဲ့မယ် ဒါမှမဟုတ် သရေပွဲတစ်ပွဲ ရခဲ့မယ်ဆိုရင် သူ့ရဲ့ကစားသမားဘဝမှာ ရှုံးပွဲမရှိဖြတ်သန်းနိုင်မှု ပွဲ ၁,၀၀၀ ပြည့်တဲ့စံချိန်ကို ရရှိတော့မှာပဲဖြစ်ပါတယ်။

စီရော်နယ်ဒိုဟာ လက်ရှိမှာတော့ ၉၉၉ ပွဲ ရှုံးပွဲမရှိတဲ့စံချိန်ကို ရထားပြီးပါပြီ။ အဲ့ဒီ ၉၉၉ ပွဲထဲမှာ နိုင်ပွဲအရေအတွက်က ၇၇၅ ပွဲ၊ သရေပွဲအရေအတွက်က ၂၂၄ ပွဲ ပါဝင်လို့နေပါတယ်။

စီရော်နယ်ဒို ပိုင်ဆိုင်ထားတဲ့ ရှုံးပွဲမရှိ ၉၉၉ ပွဲဆိုတာဟာ နိုင်ငံလက်ရွေးစင်အသင်းနဲ့ ကလပ်အသင်း နှစ်ခုပေါင်းပြီး ရရှိထားတဲ့စံချိန်ဖြစ်ပါတယ်။

စီရော်နယ်ဒိုဟာ ပြက္ခဒိန်နှစ် တစ်ခုအတွင်း တစ်နှစ်တာသွင်းဂိုးအများဆုံးကစားသမားအဖြစ် ကမ္ဘာ့ဘောလုံးအဖွဲ့ချုပ်(ဖီဖာ)ရဲ့တရားဝင်အသိအမှတ်ပြုမှုကိုလည်း ရရှိလိုက်ပြီလို့ သိရှိရပါတယ်။