ဆေးလိပ်ထိန်းချုပ်ခြင်းအပြင်E-cigarette၊ Vape တို့ကိုလည်း ဥပဒေအရထိန်းချုပ်တော့မည်

——————————————————————————————

၂၀၂၅ခုနှစ်၊မတ်လ၊(၄)ရက်

ဆေးလိပ်ကင်းစင်နယ်မြေသတ်မှတ်ခြင်းအပြင်လူငယ်တွေခေတ်စားနေတဲ့ E-cigarette၊ Vape အစရှိတဲ့ အီလက်ထရွန်နစ် အငွေ့ရှူစက်တွေနဲ့ပတ်သက်လို့ ဥပဒေအရ ထိန်းချုပ်ဆောင်ရွက်နိုင်ရေးကိုလည်း စီစဉ်နေတယ်လို့ သိရပါတယ်။

အဲဒီလိုဆောင်ရွက်ဖို့ရှိတဲ့အကြောင်းကို ‘ဆေးလိပ်နှင့် ဆေးရွက်ကြီးထွက်ပစ္စည်း သောက်သုံးမှုထိန်းချုပ်ရေးဗဟိုအဖွဲ့ အစည်းအဝေး’မှာ ကျန်းမာရေး ဝန်ကြီးဌာန၊ပြည်ထောင်စုဝန်ကြီးက ထည့်သွင်းပြောကြားခဲ့တာဖြစ်ပါတယ်။

ဒီ့အပြင် “ဆေးလိပ်နှင့် ဆေးရွက်ကြီးထွက်ပစ္စည်းများကို စံသတ်မှတ်ချက်များနှင့်အညီ ထုပ်ပိုးခြင်းနှင့် ကျန်းမာရေးသတိပေးရုပ်ပုံများ၊ စာသားများကို ပုံနှိပ်ဖော်ပြခြင်း ဆိုင်ရာအမိန့်” ဟာ ၂၀၂၄ ခုနှစ် ဒီဇင်ဘာလ ၃၁ ရက်မှာ စတင်အာဏာသက်ဝင် ခဲ့ပြီးဖြစ်ကြောင်း၊ အမိန့်စာကို လုပ်ငန်းရှင်တွေက လိုက်နာဆောင်ရွက်နိုင်ဖို့ သက်ဆိုင်ရာဝန်ကြီးဌာနများ၊ ဦးစီးဌာနများအနေဖြင့် ဆက်လက်ဆောင်ရွက်ဖို့ ကိစ္စရပ်များကို အားဖြည့်ဆောင်ရွက်ပေးဖို့ တိုက်တွန်းမှာကြားခဲ့ပါတယ်။

#Mercury#mercurynews#ပြည်တွင်းသတင်း#ဆေးလိပ်