စီရော်နယ်ဒိုရဲ့ပရီးမီးယားလိဂ်မှတ်တမ်းတစ်ခုကို အမီလိုက်ခဲ့တဲ့ ဘာနာဒိုဆေးလ်ဗား

မန်စီးတီးကွင်းလယ်လူ ဘာနာဒိုဆေးလ်ဗား ဟာ ပရီးမီးယားလိဂ်မှာ စီရော်နယ်ဒို ကစားခဲ့စဉ်ကာလအတွင်း စိုက်ထူထားခဲ့တဲ့ မှတ်တမ်းတစ်ခုကို အမီလိုက်သွားနိုင်ခဲ့ပြီလို့ သိရှိရပါတယ်။

မန်စီးတီးဟာ မနေ့ကယှဉ်ပြိုင်ကစားခဲ့တဲ့ ပရီးမီးယားလိဂ်ပွဲစဉ်မှာ အဲဗာတန်ကို ၃ ဂိုး ၁ ဂိုးနဲ့ အနိုင်ရရှိခဲ့ပြီး အဲ့ဒီပွဲစဉ်မှာ ဘာနာဒိုဆေးလ်ဗားက ဂိုးဖန်တီးမှု ၁ ကြိမ် လုပ်ဆောင်ပေးခဲ့ပါတယ်။

ဒါကြောင့် ဘာနာဒိုဆေးလ်ဗားဟာ ပရီးမီးယားလိဂ်ကစားသမားဘဝဖြတ်သန်းမှုအတွင်း ဂိုးဖန်တီးမှု ၃၇ ကြိမ် လုပ်ဆောင်ပေးနိုင်တဲ့ မှတ်တမ်းကို ရရှိသွားခဲ့ပြီး စီရော်နယ်ဒိုဟာ မန်ယူဆီမှာ ကစားသမားဘဝဖြတ်သန်းခဲ့တဲ့ ကာလအပိုင်းအခြား နှစ်ခုအတွင်း ဂိုးဖန်တီးမှုပေါင်း ၃၇ ကြိမ် ရှိခဲ့တာပဲဖြစ်ပါတယ်။

စီရော်နယ်ဒိုဟာ လက်ရှိ ၂၀၂၃ ခုနှစ်အတွင်း ဂိုးအများဆုံး သွင်းယူထားနိုင်တဲ့ကစားသမားအဖြစ် ရပ်တည်နေပြီး သွင်းဂိုးစုစုပေါင်း ၅၃ ဂိုး ရရှိထားပြီဖြစ်ပါတယ်။