စားအုန်းဆီ ရည်ညွှန်းဈေး(၇၀၇၅) ကျပ်သာရှိတော့ ၊ဖုန်းဆက်မှာယူနိုင်

———–

၂၀၂၅ခုနှစ်၊ဖေဖော်ဝါရီလ၊(၁၀)ရက်

အခုအပတ်မှာတော့ စားအုန်းဆီရည်ညွှန်းဈေးနှုန်းနည်းနည်းပြန်ကျ‌နေပြီးတစ်ပိဿ(၇၀၇၅) ကျပ်ဖြင့်ရောင်းချဖို့ သတ်မှတ်ထားတယ်လို့ သိရပါတယ်။

ပြီးခဲ့တဲ့အပတ်က စားအုန်းဆီတစ်ပိဿကို ရည်ညွှန်း‌ ဈေး(၇၁၆၅)ကျပ်ရှိခဲ့ရာမှ အခုအပတ်မှာလည်း တစ်ပိဿကို (၇၀၇၅)ကျပ်နဲ့ရောင်းချဖို့ သတ်မှတ်ပေးလိုက်တာဖြစ်ပါတယ်။

၂၀၂၅ခုနှစ် ဖေဖော်ဝါရီလ(၁၀)ရက်မှ(၁၆)ရက်အထိ စားအုန်းဆီတစ်ပိဿကို အခြေခံလက်ကားရည်ညွှန်းဈေး (၇၀၇၅)ကျပ်နဲ့ရောင်းချရမှာဖြစ်ပြီး ဈေးကစားဖို့ရည်ရွယ်ပြီး သိုလှောင်ထားပါက အရေးကြီးကုန်စည်နဲ့ဝန်ဆောင်မှုဥပဒေအရ အရေးယူဆောင်ရွက်သွားမှာ ဖြစ်တယ်လို့ သိရပါတယ်။

ရန်ကုန်တိုင်းအတွင်း စားအုန်းဆီတွေကို ဖုန်းဆက်မှာယူနိုင်ပြီး ‘မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း’ Facebook Pageမှာခရိုင်အလိုက်၊မြို့နယ်အလိုက်မှာယူနိုင်မယ့် ဖုန်းနံပါတ်တွေ ဖော်ပြထားတယ်လို့ သိရပါတယ်။

မူရင်းဓါတ်ပုံပိုင်ရှင်ကို creditပေးပါသည်။

#mercury#mercurynews#ပြည်တွင်းသတင်း#စားအုန်းဆီ#yangonMyanmar