စစ်ကိုင်းက စကျင်ရွာမှာ အမျိုးသမီးတစ်ယောက် ဓားပြတိုက်ခံရပြီး ဓားပြတွေက ရွှေ ၅ ကျပ်သားလောက်နဲ့ ငွေ ၁၀ သိန်း ယူသွား

———————–

စစ်ကိုင်းတိုင်း၊ စစ်ကိုင်းမြို့နယ်၊ စကျင်ကျေးရွာမှာ ဒီဇင်ဘာ ၁ ရက်၊ မနက် ၁၀ နာရီလောက်ကအမျိုးသမီးတစ်ယောက် ဓားပြတိုက်ခံခဲ့ရတယ်လို့ သိရှိရပါတယ်။

ဓာပြတိုက်ခံရတဲ့သူဟာ စကျင်ကျေးရွာမှာနေထိုင်ပြီး တောင်သူလုပ်ငန်းလုပ်ကိုင်တဲ့ အသက် (၅၃) နှစ်အရွယ် ဒေါ်နုဆိုသူဖြစ်တယ်လို့ သတင်းကြားသိရပါတယ်။

နေအိမ်မှာ ဒေါ်နု ရှိနေစဉ်အခိုက် ဓားပြ ၃ ယောက်က ‌ေ-သနတ်ပြခြိမ်းခြောက်ပြီး ရွှေထည်ပစ္စည်းမျိုးစုံ ၅ ကျပ်သားလောက်နဲ့ ငွေသားကျပ် ၁၀ သိန်းတို့ကို ယူဆောင်သွားခဲ့တယ်လို့ သိရှိရပါတယ်။

ဓားပြတွေဟာ စစ်ကိုင်းမြို့နယ်၊ စာရေး(ရှေ့) ကျေးရွာဘက်ကို ဆိုင်ကယ်နဲ့ ထွက်ပြေးသွားတယ်လို့ လတ်တလောမှာ စစ်ဆေးသိရှိရပေမယ့် တာဝန်ရှိသူတွေအနေနဲ့ လုံခြုံရေးအခြေအနေအရ အခင်းဖြစ်ပွားရာနေရာဆီကို သွားရောက်စစ်ဆေးနိုင်ခြင်းမရှိသေးဘူးလို့လည်း သိရပါတယ်။