ငလျင်ဘေးသင့် မြန်မာပြည်သူတွေအတွက် အမေရိကန်ပြည်ထောင်စုက အမေရိကန်ဒေါ်လာ ၇သန်းခန့် အသုံးပြုမည်

၂၀၂၅၊ဧပြီလ၊၅ရက်

အင်အားပြင်း ငလျင်ဘေးဒဏ်သင့် မြန်မာပြည်သူတွေအတွက် အမေရိကန်ပြည်ထောင်စုက အမေရိကန်ဒေါ်လာ ၇သန်းခန့် ထပ်တိုးရန်ပုံငွေအဖြစ် အသုံးပြုသွားမယ်လို့ မြန်မာနိုင်ငံဆိုင်ရာ အမေရိကန်သံရုံးက ထုတ်ပြန်လိုက်ပါတယ်။

အမေရိကန်ပြည်ထောင်စု အနေနဲ့ မတ် ၃၁မှာ ကြေညာခဲ့တဲ့ အမေရိကန်ဒေါ်လာ ၂သန်းနဲ့ အတူ ယခု ထပ်တိုး အမေရိကန် ဒေါ်လာ ၇သန်းတန်ဖိုးရှိ အကူအညီတွေကို ငလျင်ဘေးဒဏ်သင့်အသိုက်အဝန်းများအတွက် အရေးပေါ် နားခိုရာ၊ စားနပ်ရိက္ခာ၊ ဆေးဝါးပစ္စည်းများ နဲ့ သောက်သုံးရေတို့ကို ပေးအပ်သွားမယ်လို့ သံရုံးကထုတ်ပြန်ပါတယ်။

ယခုအကူအညီတွေကို အမေရိကန်ပြည်ထောင်စုရဲ့ ဘေးအန္တရယ်ကျွမ်းကျင်ပညာရှင်များ ကနဦး အကဲဖြတ်ဆန်းစစ်ချက်များအရ ပေးအပ်ထားတာဖြစ်တယ်လို့လည်း သိရပါတယ်။

#mercury#mercurynews#မြန်မာ#အမေရိကန်#ငလျင်#မြန်မာငလျင်