ဂျပန်သွားလိုသူများ ပတ်စ်ပို့ရအောင်သံရုံးကကူညီဆောင်ရွက်ပေးမည်

—————————————————————————

၂၀၂၅ခုနှစ်၊ဖေဖော်ဝါရီလ၊(၂၀)ရက်

အမှန်တကယ်ဂျပန်သွားလိုသူတွေကို Online Appointment တွေရရှိပြီး ပတ်စ်ပို့ရရှိအောင်ဂျပန်သံရုံး ကကူညီဆောင်ရွက်ပေးဖို့ရှိတယ်လို့ သိရပါတယ်။

နိုင်ငံကူးလက်မှတ် သက်တမ်းတိုးဖို့အတွက် Online Appointment များရယူကာ ရောင်းချမှုတွေရှိသောကြောင့် သံသယရှိသူတွေရဲ့ Appointment တွေကို စိစစ်၊ပယ်ဖျက်ရာမှာ ကိုယ်တိုင်လျှောက်ထားဖို့ ဆောင်ရွက်ထားတဲ့ နိုင်ငံသားတွေရဲ့ Appointmentတွေပါရှိသွားပါက အချက်အလက်အပြည့်အစုံတင်ပြပြီး သံရုံးသို့ လူကိုယ်တိုင် လာရောက်လျှောက်ထားနိုင်တယ်လို့ ဂျပန်နိုင်ငံဆိုင်ရာ၊ မြန်မာသံရုံးက အသိပေးကြေညာထားပါတယ်။

Online Appointment စနစ်ကို ၂၀၂၄ ခုနှစ် ဧပြီ ၁ ရက်မှ စတင်ကျင့်သုံးခဲ့ပြီး Online Appointment စနစ်မှာ ရက်ချိန်းရယူထားပြီး အလုပ်အားလပ်မှုမရှိလို့ သံရုံးသို့ လူကိုယ်တိုင်လာရောက်ဖို့ အခက်အခဲရှိသူတွေအတွက် လည်း မိသားစုဝင်တစ်ဦးဦးမှဖြစ်စေ၊ အသိမိတ်ဆွေမှဖြစ်စေ ကိုယ်စားလှယ်လွှဲစာဖြင့် လာရောက်လျှောက်ထားခြင်း ကို ဖြေလျှော့ခွင့်ပြုထားရှိထားပါတယ်။

မူနှင့်ကိုက်ညီသော လျှောက်ထားမှုတွေနဲ့ မိသားစုဝင်တွေမှအပ Appointment တစ်ခုလျှင် လျှောက်လွှာ တစ်စောင်သာ လက်ခံသွားမှာဖြစ်ပြီး မိသားစုဝင်တွေမှအပခိုင်လုံတဲ့အကြောင်းပြချက်မရှိဘဲ ကိုယ်စား လာရောက်လျှောက်ထားသူတွေကို လက်ခံဆောင်ရွက်ပေးမှာမဟုတ်ကြောင်း အသိပေးထားကာ သံရုံးသို့ လူကိုယ်တိုင်လာရောက်လျှောက်ထားဖို့ အခက်အခဲရှိတဲ့ ဝေးလံဒေသတွေမှ မြန်မာနိုင်ငံသားများအနေဖြင့် စာတိုက်မှတစ်ဆင့် ပေးပို့လျှောက်ထားမှုကို ဆက်လက်ခွင့်ပြုဆောင်ရွက်ပေးလျက်ရှိတယ်လို့ သံရုံးမှအသိပေးထားပါတယ်။

#mercury#mercurynews#ဂျပန်#မြန်မာ#ပြည်ပ