“ဂျပန်မြေမှ တစ္ဆေများ” ကမ္ဘာလှည့်ဂျပန်အနုပညာပြပွဲရန်ကုန်မြို့၌ အခမဲ့ပြသနေ

————————————–

၂၀၂၅ခုနှစ်၊ဖေဖော်ဝါရီလ၊(၃)ရက်

ဂျပန်နိုင်ငံရဲ့စိတ်ကူးယဉ်တစ္ဆေသရဲ‌တွေအကြောင်းကို ယဉ်ကျေးမှုပြပွဲအနေနဲ့ ပြသထားတဲ့”Yokai Parade: ဂျပန်မြေမှ တစ္ဆေများ” ကမ္ဘာလှည့်ဂျပန်အနုပညာပြပွဲကို ရန်ကုန်မြို့မှာပြသထားဖို့ရှိတယ်လို့ သိရပါတယ်။

၂၀၂၅ ဖေဖော်ဝါရီ ၁ ရက်မှ မတ်လ ၁ ရက်အထိ ဗဟန်း၊နတ်မောက်လမ်းသွယ်(၁)ရှိဂျပန်ဖောင်ဒေးရှင်းမှာကျင်းပနေတာဖြစ်ပြီး ဝင်ကြေးအခမဲ့နဲ့ ပြသနေတာဖြစ်ပါတယ်။

ယခုပြပွဲမှာ ဂျပန်နိုင်ငံရဲ့ Yokaiလို့ခေါ်တဲ့ စိတ်ကူးယဉ် တစ္ဆေသရဲတွေအကြောင်း ယဉ်ကျေးမှုအား စာရွက်ပေလွှာတွေ၊ နိရှိကိအဲရောင်စုံသစ်ထွင်း ပန်းချီတွေမှတစ်ဆင့်အရုပ်တွေ၊ရုပ်ရှင်တွေဖြစ်လာတဲ့ထိ ယနေ့ခေတ်ထိလက်ဆင့်ကမ်းသယ်ဆောင်လာပုံကို စုံလင်စွာ မိတ်ဆက်ထားတယ်လို့ ဂျပန်သံရုံးမှဖော်ပြထားပါတယ်။

ဂျပန်Yokaiတွေဟာပုံဝတ္ထုများစွာထဲမှာ သဘာဝလွန်စွမ်းအားတွေပိုင်ဆိုင်တဲ့ ဇာတ်ကောင်တွေအဖြစ် ပါဝင်ခဲ့ကြပြီးနားဆင်သူတွေကို အံ့သြထိတ်လန့်အောင် စွမ်းဆောင်ခဲ့ကြပါတယ်။

အဲ့ဒီနောက်နည်းပညာတွေတိုးတက်လာပြီးလူသားတွေရဲ့နေထိုင်မှုဘဝပြောင်းလဲလာချိန်မှာတော့ Yokaiတွေဟာကြောက်စရာအရာဆိုတာထက်ပိုပြီး ရင်းနှီးနှစ်လိုဖွယ်အဖြစ်သို့ တဖြည်းဖြည်းပြောင်းသွားခဲ့ပါတယ်။

ဂျပန်နိုင်ငံမှာ ကအိဒန် (Kaidan)လို့ခေါ်တဲ့ တစ္ဆေပုံပြင်တွေကိုနွေရာသီမှာ ပြောဆိုနားဆင်တဲ့ယဉ်ကျေးမှုဓလေ့ရှိနေဆဲဖြစ်ပြီး နိုင်ငံတဝှမ်းကပြဇာတ်ရုံတွေ၊ ရုပ်သံဇာတ်ကားတွေမှာလည်းYokaiကို မြင်တွေ့နေရတုန်းပါပဲ။

ယခုပြပွဲကဒီYokaiတွေရဲ့လူကြိုက်များမှုကို မီးမောင်းထိုးပြထားပြီး လာရောက်ကြည့်ရှုသူတွေအနေနဲ့ သူတို့ရဲ့ ခိုင်မာစွာတည်ရှိတဲ့ ဆန်းကြယ်ကမ္ဘာကိုလေ့လာနိုင်မှာဖြစ်တယ်လို့ သိရပါတယ်။

#Mercury#mercurynews#ဂျပန်မြေကတစ္ဆေများ#ကမ္ဘာလှည်ဂျပန်အနုပညာပြပွဲ