ဂျပန်များကိုလိမ်လည်ရန် ဂျပန်လူမျိုးနှင့် ဂျပန်စကားတတ်သည့်မြန်မာများကို ကျားဖြန့်များကပစ်မှတ်ထား‌ခေါ်နိုင်၍သတိထားရန်လိုဟုဆို

———————————–

၂၀၂၅ခုနှစ်၊ဖေဖော်ဝါရီလ၊(၂၈)ရက်

ဂျပန်လူမျိုး‌တွေကို သွေးဆောင်လှည့်ဖြားနေသော အွန်လိုင်းငွေလိမ်ဂိုဏ်းတွေဟာ ဂျပန်လူမျိုးတွေ ကို ပစ်မှတ်ထားပြီးလိမ်လည်မှုတွေကို ကျူးလွန်လျက်ရှိတယ်လို့ မြန်မာနိုင်ငံဆိုင်ရာဂျပန်သံရုံးက သတိပေးထားပါတယ်။

အဲဒီလိုကျူးလွန်ရန်အတွက် ဂျပန်နိုင်ငံသားတွေသာမက ဂျပန်ဘာသာစကားတတ်ကျွမ်းသော မြန်မာလူမျိုးတွေကို အသုံးချရန် ရည်ရွယ် လာနိုင်ခြေလည်းရှိတယ်လို့ဆိုပါတယ်။

ဒါကြောင့်မို့လို့ အွန်လိုင်းဂိမ်း‌တွေနဲ့အင်တာနက်‌အစရှိသည်တို့မှာသိကျွမ်းလာခဲ့ပြီး မျက်မြင် တွေ့ဆုံဖူးခြင်းမရှိသော အသိမိတ်ဆွေမှတဆင့် ဂျပန်ဘာသာစကားကို အသုံးပြုရမည့်အလုပ် လုပ်ကိုင် ရန် ဆွဲဆောင်ခြင်းခံရပါက စူးစမ်းဆင်ခြင်မဲ့ယုံကြည်ခြင်းမျိုးမပြုလုပ်ဘဲ မိသားစုနှင့် မြန်မာနိုင်ငံ ဆိုင်ရာဂျပန်သံရုံးသို့ တိုင်ပင်ဆွေးနွေးမှုများပြုလုပ်ခြင်းဖြင့် လိမ်လည်လှည့်ဖြားခြင်းမခံရအောင် အထူးသတိပြုကြစေလိုတယ်လို့ဖော်ပြထားပါတယ်။

Photo Credit -Embassy of Japan in Myanmar

#mercury#mercurynews#ဂျပန်#ကျားဖြန့်#ပြည်တွင်းသတင်း