Join Us : Telegram Icon Threads Icon
Latest Updates >>>
MENU

ချန်ပီယံဆုရ မြန်မာ့လက်ရွေးစင်အမျိုးသမီးအသင်းကိုကျပ်သိန်း( ၅၇၀၀)ကျော်ပေးအပ်ဂုဏ်ပြု

————————————–

၂၀၂၅ခုနှစ်၊မတ်လ၊(၁၀)ရက်

နီပေါနိုင်ငံမှာကျင်းပတဲ့ International Women Championship 2025 လေးနိုင်ငံ အမျိုးသမီးဘောလုံးဖိတ်ခေါ်ပြိုင်ပွဲမှာချန်ပီယံဆုရ မြန်မာ့လက်ရွေးစင်အမျိုးသမီးအသင်းကိုကျပ်သိန်း (၅၇၃၀)ပေးအပ်ဂုဏ်ပြုခဲ့တယ်လို့ သိရပါတယ်။

အောင်ပွဲရ မြန်မာ့လက်ရွေးစင် အမျိုးသမီးဘောလုံးအသင်းအတွက် အားကစားနှင့် လူငယ်ရေးရာဝန်ကြီးဌာနက ကျပ်သိန်း(၃၀၀)၊ ရန်ကုန်တိုင်းဒေသကြီးအစိုးရအဖွဲ့က ကျပ်သိန်း(၇၀၀)၊ KBZ Bank ကကျပ်သိန်း (၁၀၀၀)၊ AYA Bank ကကျပ်သိန်း(၁၀၀၀)၊ Max Energy ကကျပ်သိန်း(၆၀၀)၊ မြန်မာနိုင်ငံ ဘောလုံးအဖွဲ့ချုပ် အကြီးတန်း ဒုတိယ ဥက္ကဋ္ဌ ဦးပြည့်ဖြိုးတေဇက ကျပ်သိန်း(၄၀၀)၊ A Bank ကျပ်သိန်း(၃၀၀)၊ ATOM ကျပ်သိန်း(၃၀၀)၊ BYD Essential Motors ကကျပ်သိန်း(၃၀၀)၊ Max Cement ကကျပ်သိန်း(၂၀၀)၊ MFF အမျိုးသမီးဘောလုံးကော်မတီ ဥက္ကဋ္ဌ ဒေါ်ခင်စပယ်ကြည်က ကျပ်သိန်း(၂၀၀)လှူဒါန်းခဲ့ပါတယ်။

အဲ့ဒီအပြင် MNL လိဂ်ကော်မတီ ဥက္ကဌ ဦးဇော်မင်းသိန်းက ကျပ်သိန်း(၁၀၀)၊ MFF ဖူဆယ်နှင့်သဲသောင်ပြင်‌ဘောလုံးကော်မတီ ဥက္ကဋ္ဌ ဦးဝင်းသော်က ကျပ်သိန်း(၁၀၀)၊ ရှမ်းယူနိုက်တက်အသင်းဥက္ကဋ္ဌ ဦးခွန်နောင်မြင့်ဝေက ကျပ်သိန်း(၁၀၀)၊ ဦးထွန်းထွန်းလင်း (Poe Poe Trading)က ကျပ်သိန်း(၁၀၀)အား ပေးအပ်လှူဒါန်းခဲ့ကြရာအားကစားနှင့် လူငယ်ရေးရာဝန်ကြီးဌာန ပြည်ထောင်စုဝန်ကြီး ပြည်ထောင်စုဝန်ကြီး၊ တိုင်းဒေသကြီဝန်ကြီးချုပ် တို့က လက်ခံရယူခဲ့ပြီးနောက် ဂုဏ်ပြုဆုငွေစုစုပေါင်း ကျပ်သိန်း ၅၇၃၀ ကို မြန်မာ့လက်ရွေးစင် အမျိုးသမီးအသင်း အုပ်ချုပ်/နည်းပြ၊ကစားသမားများထံသို့ ချီးမြှင့်ပေးအပ်ခဲ့ကြတယ်လို့ မြန်မာနိုင်ငံဘောလုံးအဖွဲ့ချုပ်ရဲ့ထုတ်ပြန်ချက်အရ သိရပါတယ်။

#Mercury#mercurynews#မြန်မာလက်ရွေးစင်အမျိုးသမီးဘောလုံးအသင်း#yangonMyanmar#အားကစား#ပြည်တွင်းသတင်း