“ကျွန်တော် အသက်ဘယ်လောက်ကြီးလည်း အမေ့အသိမှာ ကလေးပဲ ရှိသေးတယ်”လို့ ပြောပြလိုက်တဲ့ ဆယ်လ်မန်ခန်း

ဆယ်လ်မန်ခန်း က ပြောလိုက်ပါတယ်။ “ကျွန်တော့်ကို အသက်ကြီးလာပြီလို့ ပြောကြတယ်။ ဘယ်သူတွေက ဘယ်လောက်အသက်ကြီးတယ်ပြောပြော ကျွန်တော်ဟာ အမေ့အတွက်တော့ ကလေးအရွယ်အဖြစ် ရှိနေတုန်းပါပဲ။ အမေက အမြဲပြောလေ့ရှိပါတယ်။ သူ့အတွက် ကျွန်တော်ဟာ ဘယ်တော့မှ အသက်ကြီးမသွားသေးဘူ။ ကလေးအရွယ်အဖြစ်ပဲ ရှိနေပါတယ်တဲ့”ဆိုတာက ဆယ်လ်မန်ခန်း ပြောကြားလိုက်တဲ့စကားတွေပါပဲ။

ဆယ်လ်မန်ခန်း ဟာ သူ့ရဲ့ဘဝမှာ အက်ရှ်ဝါယာရိုင်း၊ ကက်ထရီနာကစ်ဖ်၊ ဆန်ဂီတာ ဘစ်ဂျ်လာနီ၊ ဆိုမီအလီတို့နဲ့ ချစ်သူဖြစ်ခဲ့ဖူးပေမယ့် ချစ်တိုင်းလည်း မညားခဲ့ရဘဲ ဂေါ်မစွံလူပျိုကြီးအဖြစ် ရှိနေဆဲပါပဲ။ လတ်တလောမှာတော့ ရိုမေးနီးယား သရုပ်ဆောင်မင်းသမီး အူလီယာ ဗန်တာနဲ့ ချစ်ကြိုက်နေတယ်လို့လည်း ဆိုပါတယ်။

“ကျွန်တော့်မှာ အသက်နဲ့ပတ်သက်လို့ စိတ်ခံစားချက် မရှိပါဘူး။ အမေက သူ့စိတ်မှာ ကျွန်တော်က ၁၃ နှစ်အရွယ်ပဲ ရှိသေးတယ်လို့ ပြောထားတာပါ”ဆိုတာကလည်း သူ့အမေရဲ့ပြောစကားတစ်ခုကို ဆယ်လ်မန်ခန်းက ပြန်ပြောင်းမျှဝေတာပါပဲ။

ဆယ်လ်မန်ခန်းတို့မှာ ညီအစ်ကို မောင်နှမ ၄ ယောက်ရှိပြီး ဆယ်လ်မန်ခန်းရဲ့မိခင်က ဆယ်လ်မာခန်း ဖြစ်ပါတယ်။ ဆယ်လ်မန်ခန်းရဲ့ပြောစကားတွေကို နားထောင်ပြီး “ကျွန်တော် အသက်ဘယ်လောက်ကြီးလည်း အမေ့အသိမှာ ကလေးပဲ ရှိသေးတယ်”ဆိုတဲ့သီချင်းစာသားလေးကိုသာ ကြားယောင်လို့နေမိပါတော့တယ်။