ကျောက်စိမ်းတုံးများပြပြီးအွန်လိုင်းလိမ်နည်းသစ်ဖြင့်လိမ်လည်နေ

——————————————————————————–

၂၀၂၅ခုနှစ်၊ဇန်နဝါရီလ၊(၂၇)ရက်

ကျောက်စိမ်းတုံးတွေ၊ကျောက်မျက်ရတနာပုံတွေ၊ကျောက်စိမ်းတုံးဖြတ်ပြတဲ့ဗီဒီယိုကလစ်တွေပြပြီး အွန်လိုင်းလိမ်နည်းသစ်ဖြင့်လိမ်လည်နေတယ်လို့ ကျောက်မျက်လောကသားတွေထံမှ သိရပါတယ်။

ကျောက်စိမ်းတုံးပုံတွေ၊ဗီဒီယိုကလစ်တွေကိုတင်ပြီး အဲဒီ့ကျောက်စိမ်းဖြတ်ဖို့အတွက် အစုရှယ်ယာတွေ ခေါ်ကာရှယ်ယာတစ်စောင်ကို ဘယ်လောက်နှုန်းလွှဲကြဖို့ ပြောပြီး လိမ်လည်နေတာဖြစ်တယ်လို့ ဆိုပါတယ်။

‘’ကျောက်စိမ်းတုံးကြီးတစ်တုံးကိုပြထားတယ်။ပြီးတော့ဖြတ်ပြပြီးကျောက်အောင်တဲ့ပုံစံမျိုး သိန်းချီမြတ် တဲ့ပုံစံမျိုးပြောပြီး ရှယ်ယာတွေဝယ်ခိုင်းတာ။ အခုဆိုရင် ဦးတို့ ကျောက်မျက်လောကသားတွေထဲက အယောက် (၂၀)လောက်အလိမ်ခံ ထိသွားပြီ။အခြားသူတွေအလိမ်မခံရအောင်လို့ ပြောပြတာပါ”လို့ ကျောက်မျက်သူဌေးကြီးတစ်ဦးက Mercury Newsကို ပြောကြားထားပါတယ်။

သူတို့ပြသထားတဲ့ကျောက်စိမ်းတွေဟာ အရည်သွင်းထားတဲ့ကျောက်စိမ်းတွေသာဖြစ်ပြီး လိမ်လည်ဖို့ သက်သက်အရောင်လှအောင်ဆောင်ရွက်ထားတာဖြစ်တယ်လို့ ဆိုပါတယ်။

အဲဒီ့လိုကျောက်မျက်ဗန်းပြပြီးလိမ်နေတာဟာ အဖွဲ့လိုက်လှုပ်ရှားနေကြတာဖြစ်လို့ ကျားဖြန့်တွေရဲ့လိမ် လည်နည်းအသစ်တစ်မျိုးလည်းဖြစ်နိုင်လို့ သတိထားကြဖို့ကျောက်မျက်လောကသားတွေက သတိပေး ထားပါတယ်။

Photo -Credit

#mercury#mercurynews#ကျောက်စိမ်း#ပြည်တွင်းသတင်း#လူလိမ်