ကိုရီးယားနိုင်ငံ၊ဘူဆန်တွင် တက်ရမည့် ရုပ်ရှင်ရိုက်ကူးရေးသင်တန်းအတွက်မြန်မာမှလူငယ်(၂)ဦးရွေးချယ်မည်

———————————————————————————–

၂၀၂၅ခုနှစ်၊မတ်လ၊(၁၇)ရက်

ကိုရီးယားနိုင်ငံ၊ဘူဆန်မှာ တက်ရောက်ရမယ့် ဇာတ်လမ်းတို၊မှတ်တမ်းရုပ်ရှင်ရိုက်ကူး‌ရေး သင်တန်းအတွက် လျှောက်လွှာတွေခေါ်ယူနေတယ်လို့ သိရပါတယ်။

၂၀၂၅ ခုနှစ်အတွက် ရုပ်ရှင်မျိုးဆက်သစ်လူငယ်များ ပြုစုပျိုးထောင်ရေးစီမံကိန်း (FLY Project 2025)အနေနဲ့ လျှောက်လွှာတွေခေါ်ယူသွားမှာဖြစ်ပါတယ်။

ပါဝင်လျှောက်ထားနိုင်မယ့်သူတွေကို ၂၀၀၁ခုနှစ်ကနေ၂၀၀၆ခုနှစ်မွေးဖွားပြီး ဇာတ်လမ်းတို၊ မှတ်တမ်းရုပ်ရှင်(သို့မဟုတ်)ဗီဒီယိုဇာတ်ကား(၂)ကားရိုက်ဖူးသူ၊နိုင်ငံခြားသွားခွင့်မပိတ်ပင်ခံရသူ၊ ဘူဆန်နိုင်ငံတကာရုပ်ရှင်ပွဲတော်နဲ့ Asian Flim Academyမှပြုလုပ်တဲ့အစီအစဉ်တွေမှာ မပါဝင်ဖူးသူတွေပါဝင်နိုင်မှာဖြစ်ပါတယ်။

ရွေးချယ်ခံရသူတွေအနေနဲ့ စက်တင်ဘာလ(၄)ရက်မှ(၁၉)ရက်အထိ ကိုရီးယားမှာသင်တန်းတက်ရမှာဖြစ်ပြီးစိတ်ဝင်စားသူတွေ ရုပ်ရှင်မြင့်တင်ရေးဌာနခွဲ(ရန်ကုန်)သို့ ဧပြီလ(၄)ရက်မတိုင်မီလျှောက်ထား နိုင်တယ်လို့ သိရပါတယ်။

#mercury#mercurynews#ပြည်တွင်းသတင်း#ရုပ်ရှင်#ကိုရီးယား